NEGUKO AZOKA HH2

Eguraldi polite egoala aprobetxatuz 2 urteko neska-mutilak plazaraino hurbildu ziren. Hamaiketakoa eskolan hartu eta gero osteratxue emoten urten ziren... 

Dotore-dotore jantzite egun zoragarria igaro zuten!

NEGUKO AZOKA

Neguko oporrak hartu baino lehen, neguko azoka, herri kirolak eta ekitaldia izan ditugu plazan.
Txikienak, Olentzerogaz argazkia atara eta gero, plazarantz abiatu ziren merkatua ikusteko prest.



Nagusienek, ordea, merkatua prestatu eta herri kiroletan ibili ziren.
Bukatzeko, danak elkartu ginen kultur etxeko aretoan, dantza eta kantu ezberdinez gozatzeko.
Egun borobila izan zen eta danok ibili ginen pozik eta alai!

ELKARTASUN JOSTAILUAK - HH5

Gabonak aitzaki, 5 urteko neska-mutilen etxeetan garbiketa-lanetan aritu dira.

Etxean erabiltzen ez ditugun hainbat eta hainbat jostailu izaten dituzte umeek. Jostailu horietariko batzuk bildu eta ume behartsuei helarazteko parada izan dugu. Horretarako, gure herriko plazan dagoen Koopera ontzira eroan genduzen jostailuok.

Bide batez, gabon postalak ere plazako postontzira eroan genduzen.

ABENDUAK 22, NEGUKO AZOKA

Abenduaren 22an Neguko Azoka ospatuko dugu, urtero bezela. Neguko oporrak baino lehen gure azoka berezia antolatzen dugu herriko plazan eta ekitaldi berezia egiten dugu herriko Kultur Etxean. Aminatu eta etorri zaitezte gure produktu freskoak erostera!!!! Ondoren, oporrak!!!! Gogoratu egun horretan jardunaldi trinkoa dugula!

ABENDUAK 3, EUSKARAREN EGUNA

HHko ikasleek kartelak egin eta gimnasioa apaindu zuten, LH1 eta LH2koek olerkiak, aho-korapiloak, asmakizunak eta txisteak egin zituzten eta jantoki aurrean dagoen kortxoan jarri zituzten. LH3 eta LH4ko ikasleek patioan zuhaitzen euskerazko izenak ipini zituzten.

Patio ostean, "eskuetan" izeneko kantaren Flashmob-ia egin genuen HHko patioan, baita Pitx eta Txulalai dantzak egin ere!!

Arratsaldeko hiruretan ekitaldia hasi zen...

Eta ekitaldiaren ondoren, TXOKOLATADA!!!!!

LIBURU IBILTARIAK, LH 1-2

Aurten, liburu ibiltaria etorri zaigu eskolara. Liburuz betetako altxor bat izan dugu eta ekarritako liburu guztiez gozatu dugu. Hemen argazkitxo batzuk!!!

ABENDUAK 3, EUSKARAREN EGUNA

Abenduaren 3an, Euskararen eguna ospatzen dugu. Goizean zehar ekintza ezberdinak burutuko ditugu Euskara gure eskolan eta eguneroko bizitzan bultzatzeko asmoz. Arratsaldean, gimnasioan, ekitaldia izango dugu, 3 urtetik 6. mailararte, ikasle guztiek dantza ezberdinak egingo dituzte guraso eta eskola osoaren aurrean, ondoren, txokolatada!!!!  Ondo izan...

AZAROAK 25: EMAKUMEEN AURKAKO INDARKERIARI EZ!

Honako hau izango da Azaroaren 25erako gure egitaraua:

Aurreko egunean eta 25ean bertan ere eskuak margoztuz kartel erraldoi bat sortu eta eskolako sarreran eskegi genuen. Ondoren ikasle guztiak gimansioan batu ginen "konplize ditut eta" kanta abestu eta dantzatzeko. Hemen behan egindakoaren argazkiak utzi ditugu baita Mikel Markez-en "Konplize ditut eta" abestiaren bideoa!!!!!

AZAROAK 25: EMAKUMEEN AURKAKO INDARKERIARI EZ!

Azaroaren 25a, Emakumeen Aurkako Indarkeria Ezabatzeko Nazioarteko Eguna da. Hori dela eta, Zaratamo Eskolako ikasle eta irakasleek egunean bertan antolatuko diren ekintza ezberdinetan parte hartuko dugu. 

UDAZKENEKO ERAKUSKETA - HH5

Udazkenari buruz ikasitako guztia familiakoekin partekatu guretan, hostoen eta perretxikoen erakusketa antolatu dute 5 urteko neska-mutilek gelan.
Inguruko zuhaitzen izenak, plastilinazko perretxikoak, zuhaitzen marrazkiak eta beste hainbat gauza ikusi ahal izango dozuez. Hurbildu zaitezte eta ez ahaztu zuen gonbidapena!

 

SARRIA - HH

Hostoak firin-faran... Udazkeneko eguraldi zoragarria lagun, Haur Hezkuntzako neska-mutilak Sarriara hurbildu ziren egun pasa. Basoan zehar osteratxu bat eman eta zuhaitzak, hostoak eta perretxikoak behatzen ibili ginen. Hiru txerrikumeen egurrezko etxea ere topatu genuen!!

Primerako eguna pasa genuen!

JOLAS KOOPERATIBOAK - LH5

Azaroan jolas kooperatiboak landu ditugu gelan, gure arteko harremanak hobeak izan daitezen!!! Hemen 5. mailan gertatutakoaren irudi batzuk...

JOLAS KOOPERATIBOAK, LH 3-4

Azaroan jolas kooperatiboak landu ditugu gelan, gure arteko harremanak hobeagoak izan daitezen!!! Hemen 3. eta 4. mailan gertatutakoaren irudi batzuk...

MENDI IRTEERA, 3. eta 4. MAILA

Urrian, 3. eta 4. mailakoak mendira irteera egin zuten Carlos eta Tomasen laguntzaz. Eguraldia lagun zuten, hona hemen argazkiak!!!!

PORTUGALETERA TXANGOA, LH3 -4

3.eta 4. mailakoak Portugaletera txangoa egin zuten. Argazkiak ikusita argi dago oso oso ondo pasatu zutela!!!! Begira, begira....

BLOGA ESNATUZ

Kurtso bakoitzarentzako etiketak sortuko ditugu, jaiotze data kontutan hartuta. Horrela, errazagoa izango zaizue zuen taldea topatzea.

Aurten, 2015/2016 ikasturtean, honek izango dira erabiliko doguzen etiketak:

     2004 - 6. MAILA

     2005 - 5. MAILA

     2006 - 4. MAILA

     2007 - 3. MAILA

     2008 - 2. MAILA

     2009 - 1. MAILA

     2010 - 5 URTE

     2011 - 4 URTE

     2012 - 3 URTE

     2013 - 2 URTE